البرنامج الانتخابي لمرشحي التيار العوني

السيرة الزاتيّة
سنة 1976 وقفني حاجز قوات و فتّحني صندوق السيارة – القوات زعران
سنة 1979 شفّط قوتجي بسيارتو تحت بلكون بيتي – القوات مجرمين
سنة 1987 اطلّع فيّي قواتي بل المقلوب – القوات قتلة
سنة 1988 ونكاية فيهم عملت عوني، بس كمان بكره و ببغض البطرك و المطارين و الكنيسة و الخوارنة والرئيس سليمان و الكتائب و الاحرار و الكتلة الوطنية و التنظيم و قدامى التيار و حركة التغيير و اليسار الديمقراطي و ميشال المر ونايلة التويني و ماي شدياق و بطرس حرب و فارس سعيد وميشال معوّض و المستقلّين والحياديّين و الوسطيين و ..... وحالي
سنة 2005 تخصصت عند الجنرال بفتح ملفات الحرب ونكء الجراح و نبش القبور و تركيب الاتهامات و الصور المزيّفة
سنة 2005 اختصاص في ضبط النفس وعدم تبيان الفرحة و الزقزقة عند استشهاد شخصية من شخصيات 14 اذار، الا في مكاتب التيار المغلقة،
بس ملاحظة زغيرة، ليش صارلن زمان ما قتلوا شي شخصية من 14 ؟ شباب التيار مفؤوسه....
سنة 2006 اختصاص بالنكاية، كل شي منعملو نكاية، نكاية بالبطرك و نكاية بالقوات و نكاية ب14 اذار و نكاية باميركا و نكاية....
سنة 2007 اختصاص في حرق الدواليب و قطع الطرقات و تخريب وسط بيروت بس القوات زعران.... رجعوا فتحوا الطريق

الاصلاح
الضاحية و الجنوب ما بيدفعوا كهربا من عشرات السنين – الحريري سرّاق
ملايين الدولارات لمجلس الجنوب كل سنة – الحريري سرّاق
سنة 2006 تحرّش حزب لله باسرائيل، تكلف لبنان مليارات الدولارات – الحريري سراّق
التغيير
اكتر شي شتغلنا على التغيير...
كنّا ضد السوري صرنا بأحضانو- كنّا مع الاميركاني صرنا ضدّو – كنا ضد الايراني صرنا حلفاؤ
غيّرنا و نقلنا البارودة من كتف لكتف من حزب الله ميليشيا الى حزب الله جيش شرعي، و من سوريا طلعي برّا الى سوريا رجعي لجوّا
الاغتيالات
اغتيال الشهيد الحريري – هيدا سعد الحريري حطّلو ياها لبيّو... هيك قلنا الجنرال
اغتيال الشهيد بيار الجميل – هيدا بّيو قتلو تيصير نائب بس ما خلّيناه يصير و جبنالو كمّولا
اغتيال الشهيد جبران التويني – هيدي نايلة قتلتو بالطواطؤ مع جدّا غسان بس جايبينلا ابو جمرة تيجمّر الاشرفية مرة تانية
و بعدين شوفو في شي نايب او مسؤول من التيار قتلوا ؟ نحنا منعرف نبيع وطن تما يقتلونا...
فكركن صاحبنا سوريا و حزب الله هيك على ما شي ؟!!!
العلمانية
نحنا تيار علماني ما منتحالف الاّ مع حزب الله لانو هوي شيخ العلمانية
نحنا تيار علماني ما فينا نتحالف مع الشيوعي لانو متطرّف دينيّا
الكيان اللبناني
نحنا تيار نؤمن بنهائية الكيان اللبناني مشين هيك متحالفين مع الحزب القومي السوري
و متحالفين مع حزب الله هلّي هدفوا الدولة الاسلامية من ايران للبنان و مصر كمان...
الكنيسة
نعمل جاهدين لخراب و تقسيم الكنيسة المارونية و الارثدوكسية و الكاثوليكية
و كل الباقي... و ال و-تي-في عم بتساعدنا كتير بهل المجال
ما في بطرك الا الجنرال... السلام على اسمو
طوّبنا حسن نصرالله وحطينا صورتو بمسابحنا و مشروعنا اذا نجحنا نعملوا قديس
الغفران
لازم ننسى سوريا شو عملتلنا خلال 30 سنة و نفتح صفحة جديدة معها، هيك بكونوا المسيحيّ، بس ما تنسوا
مجزرة اهدن سنة 1977 هلّي القوات اكيد عملوها، حضروا ال " ؤ-تي-في" كل يوم بتذكرنا فيها
و ما تنسوا القواتي هلّي شفّط تحت شباك بيتي سنة 1979 ( مذكورة قبل )

الديمقراطية و الحرية
نحنا اخترعنا الديمقراطية و الحرية و منحترم رأي الآخر بس النهار و اللواء و الاؤريان و المستقبل و الشرق و صوت لبنان و لبنان الحر
و اذاعة الشرق و العربية و الحرّة و شي 500 صحافي لازم يتسكّروا كلّن و ما رح ننسى ال أم-تي-في ... جايي دورها
و بدنا نلغي القوات عن جديد....

الدولة
دولتنا النموذجية هي دويلات حزب الله بالضاحية و الجنوب و البقاع و قريبا في جبيل ..... و سنعمل لتشمل كل المناطق
ما بتسترجي قوى الامن تفوت و لا الجيش طبعا واذا شي ضابط فات بالهليكوبتر بجيبوا أجلو
شباب الانضباط تبع الحزب هنّي الدولة، على فكرة كتير من نسوان التيار مغرومين فيهم .... و أكتر....
هيدا مشروعنا اذا نجحنا
هيدا الصح تبعنا
فكروا صح..... و صحصحولنا عالناشف